මොනවද මේ සෞරග්‍රහ මණ්ඩලය, මන්දාකිණිය සහ විශ්වයකියල කියන්නේ

සෞරග්‍රහ මණ්ඩලය, මන්දාකිණිය සහ විශ්වය. මොනවද මේ වචන වලින් කියවෙන්නෙ. ඒවා කොහොමද වෙනස් වෙන්නෙ.

අපි අද සොයමු සෞරග්‍රහ මණ්ඩලය, මන්දාකිණියමන්දාකිණිය සහ විශ්වය එකිනෙක වෙනස් වෙන්නෙ කොහොමද කියල.

අපේ සෞරග්රහ මණ්ඩලය ස්තානගත වෙලා තියෙන්නෙ ක්ෂීරපථය කියන මන්දාකිණියේ ඔරායන්  spur, නැත්තං ඔරායන් Arm කියන කොටසෙ.දැනටමත් ඔයාලා දන්න විදිහට ග්‍රහලෝක 8 කින් සහ උපග්රහයන් 150 වැඩි ප්‍රමාණයකින් සෞරග්‍රහ මණ්ඩලය සමන්විත වෙනවා. එම ග්‍රහලෝක පිලිවෙලින් ගත්තොත් බුධ, සිකුරු, පෘථිවි, අඟහරු, බ්‍රහස්පති, සෙනසුරු. යුරේනස් සහ  නෙප්චූන් වනවා. ඒ අතරම තවත් වාමනග්‍රහයන්,  ඇස්ටරොයිඩ නැත්නම් ග්‍රාහක, වල්ගා තරු වගේ වස්තු කීපයකුත් අපේ මේ සෞරග්‍රහ මණ්ඩලයට අයත් වෙනවා. 

ගැලැක්සියක් මන්දාකිණියක් නැත්තං චක්‍රාවාටයක්, සෞරග්‍රහ මණ්ඩලයට වඩා බොහෝ  විශාල  වෙනවා. සරලවම කියනවනම් නම් සූර්යයා කියන්න එක තරුවක් ඒත්  ගැලැක්සියක් කියන්නේ ඒ වගේ තරු විශාල ප්‍රමාණයක එකතුවක්. ක්ෂීරපථයේ දැනට මේ වගේ තරු බිලියන 100- 400 ක් අතර ප්‍රමාණයක් තියෙනවා කියලා ගණන කරල තියනවා. ඒවායෙන් 3200කට විතර ඒවා වටේ පරිභ්‍රමණය වන  ග්‍රහලෝක තියෙනවා කියලත් මේ වන විට විද්‍යාඥයා හොයාගෙන තියනවා. මේ වගේ හොයාගත්ත එක්ක ග්‍රහලෝකයක් තමයි HD40307g කියලා කියන්නේ. පෘථිවියේ වගේ අට ගුණයක විතර ස්කන්ධයක් තියන මේකට සුපිරි පෘථිවිය කියලා කියනවා. මෙය ස්කන්ධය නිසාම බොහෝ දුරට ගුරුත්වාකර්ෂණ බලය සුපිරි පෘතුවියේ දී නම් බොහෝ දුරට වැඩි වේවි. කෙප්ලර් 16b කියන්නෙ ඒ වගේ සූර්යයන් දෙන්නෙක් වටේ පරිභ්‍රමණය වන පරිභ්‍රමණය වන ග්‍රහ ලෝකයක්.තවත් ග්‍රහලෝක පද්ධතියක් තියෙනවා  Trappist-1 කියන නමින්. මේකේ විශේෂත්වය තමයි පෘථිවියට සමාන ග්‍රහලෝක 7k එම පද්ධතියේ ප්‍රධාන තරුව වටා පරිභ්‍රමණය වන එක. මේ  තරු ගැන හොයන්නේ නාසා ආයතනයෙන් දියත් කරපු කෙප්ලර් මෙහෙයුමෙන්. මේ ගැන වැඩි විස්තර අපි කතා කරමු   ඉදිරි වීඩියෝවකදි .

මේ වගේ තියන මන්දාකිණි විශාල ප්‍රමාණයක් එකතු වෙච්ච තැන තමයි අපි කියන්නේ විශ්වය කියලා. තවත් විදියකට කිව්වොත් සූර්යයා වගේ තාරකා බිලියන   ගානක් එකතු වෙලා හැදුනු චක්‍රාවාට, බිලියන ගණනක් තියෙන තැනට අපි කියන්නේ විශ්වය කියලා. නාසා ආයතනයෙන් දියත් කරපු හබල් දුරේක්ෂය පෘථිවිය වෙත එවන ඡායාරූප දිහා බැලුවම අපට පේනවා ඒ වගේ චක්‍රාවාට විශාල ප්‍රමාණයක් මේ විශ්වයේ විසිරිලා තියෙනවා කියලා.. 2021  නොවැම්බර් මාමාසයේදී  නාසා ආයතනය විසින් උඩු ගුවනට එක් කිරීමට නියමිත James Webb අභ්‍යවකාශ දුරේක්ෂය තමන්ගේ මෙහෙයුම් ආරම්භ කළාට පස්සේ අපිට විශ්වයේ රහස් සොයන්නට තවදුරටත් හැකියාව ලැබේවි. 

අවසාන වශයෙන් ඔබ පෘථිවියේ සිටින බිලියන ගණනක් මිනිසුන් අතරින් එක් අයෙක්, ඔබ සිටින පෘථිවිය සෞරග්‍රහ මණ්ඩලයේ ග්‍රහලෝක 8 න් එකක්, මේ  සෞරග්‍රහ මණ්ඩලය ක්ෂීරපථයේ තියෙන තාරකා පද්ධති බිලියන ගණනින් එකක්, ක්ෂීරපථය කියන්නේ විශ්වයේ තියෙන බිලියන ගණනක් වූ මන්දාකිණි අතරින් එකක්. 

Source:

https://en.wikipedia.org/wiki/Universe
MooMooMath and Science
nightsky.jpl.nasa.gov